ТРИГРИМ (10 мг)

ТРИГРИМ, 5 мг және 10 мг таблеткалар

Торасемид

Дәрілік түрі, дозасы

5 мг және 10 мг таблеткалар

Жүрек-қантамыр жүйесі. Диуретиктер. Белсенділігі жоғары диуретиктер. Сульфонамидтер, қарапайымдар. Торасемид

ATX коды C03CA04

ТРИГРИМ, 5 мг таблеткалар

• артериялық ілкі гипертензияда (дәрілік препарат монотерапияда немесе гипертензияға қарсы басқа дәрілермен біріктірілімде қолданылады)

• іркілісті жүрек жеткіліксіздігіндегі ісіну синдромында, генезі бауырлық, өкпелік немесе бүйректік ісінулерде

ТРИГРИМ, 10 мг таблеткалар

• іркілісті жүрек жеткіліксіздігіндегі ісіну синдромында, генезі бауырлық, өкпелік немесе бүйректік ісінулерде

Қолдануды бастағанға дейінгі қажетті мәліметтер тізімі

• белсенді затқа, сульфонилмочевина туындыларына және қосымша заттардың кез келгеніне аса жоғары сезімталдық

• ануриямен қоса жүретін бүйрек жеткіліксіздігі

• бауырлық кома және кома алдындағы жай-күй

• артериялық гипотензия

• жүрек аритмиялары

• гиповолемия, гипонатриемия, гипокалиемия

• жүктілік және лактация кезеңі

• аминогликозидтік антибиотиктерді немесе цефалоспориндерді бір мезгілде қабылдау немесе бүйректің зақымдануын туындатататын басқа дәрілік препараттарды қолданудан кейінгі бүйрек жеткіліксіздігі

• 18 жасқа дейінгі жас (тиімділігі және қауіпсіздігі анықталған жоқ).

Қолдану кезіндегі қажетті сақтық шаралары

Емдеуді бастамас бұрын гипокалиемия, гипонатриемия және гиповолемия түзетілуі тиіс.

ТРИГРИМ препаратымен ұзақ емдегенде электролиттік теңгерімге, қандағы глюкозаның, несеп қышқылының, креатининнің және липидтердің деңгейлеріне ұдайы мониторинг жүргізу ұсынылады.

Подагра және гиперурикемия үрдісі бар пациенттерге мұқият мониторинг ұсынылады. Жасырын немесе анықталған қант диабеті бар пациенттерде көмірсулардың метаболизміне де мониторинг жүргізілуі тиіс.

Артериялық қысымның өзгеруін туындатуы мүмкін басқа да препараттар сияқты, торасемидті қабылдап жүрген пациенттерге, егер олар бас айналуды және онымен байланысты симптомдарды басынан өткерсе, көлік құралын немесе басқа да потенциалды қауіпті механизмдерді басқармауы керектігі туралы алдын ала ескертілуі тиіс.

ТРИГРИМ дәрілік препаратының құрамында лактоза бар. Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге бұл препарат қарсы көрсетілімде.

Басқа да сақтық шаралары

Қуықасты бездерінің гиперплазиясы бар, несепағары тарылған пациенттерде, несептің жедел іркілуі мүмкін болатындықтан, диурезді бақылау қажет.

Басқа дәрілік препараттармен өзара әрекеттесуі

Жүрек гликозидтермен бірге қолданғанда калий және/немесе магний тапшылығы осы дәрілік препараттарға жүрек бұлшықеттерінің сезімталдығын арттыруы мүмкін. Минерал- және глюкокортикостероид-

тардың калийуретиктік әсері, сондай-ақ іш жүргізетін дәрілердің әсері артуы мүмкін. Басқа диуретиктер жағдайындағы сияқты, бір мезгілде қолданылатын дәрілік препараттардың гипотензиялық әсерінің күшеюі басталуы мүмкін

Торасемид, әсіресе жоғары дозаларда аминогликозидтік антибиотиктердің нефроуыттылық және отоуыттылық әсерін, цисплатин препараттарының уыттылығын қуаттауы мүмкін.

Бір мезгілде қолданғанда торасемид кураре тәріздес миорелаксанттардың, және теофиллиннің әсерін күшейтуі мүмкін.

Торасемид салицилаттардың жоғары дозаларын қабылдап жүрген пациенттерде салицилаттардың бүйректік экскрециясын тежеп, уытты әсер ету қаупін арттырады.

Гипертензияға қарсы дәрілермен, атап айтқанда, АӨФ тежегіштерімен бірге қабылдағанда соңғыларының әсерін қуаттауы мүмкін. АӨФ тежегіштерімен бірізді немесе біріктіріп емдеу, немесе емдеуді бастау ауыр гипотензияға әкелуі мүмкін. Бұл құбылысты АӨФ тежегішінің старттық дозасын төмендету жолымен және/немесе АӨФ тежегіштерімен емдеуді бастаудан 2-3 күн бұрын торасемид тағайындауды уақытша тоқтату жолымен барынша ең азға азайтуға болады. Торасемид прессорлық агенттерді, мысалы, адреналинді, норадреналинді енгізгенде артериялардың реакциясын төмендетуі мүмкін.

Қабынуға қарсы стероидты емес дәрілер (мысалы, индометацин), простагландиндер синтезінің тежелуі мүмкіндігіне байланысты, торасемидтің диуретиктік және гипотензиялық әсерін төмендетуі мүмкін. Пробеницид тубулярлық секрецияны тежеу арқылы торасемидтің тиімділігін төмендетуі мүмкін.

Литийдің сарысулық концентрациялары жоғарылауы мүмкін, соның нәтижесінде оның кардио- және нефроуыттылық ықпалы күшейеді.

Адамда торасемидті және холестираминді бір мезгілде қолдану зерттелген жоқ, бірақ жануарларға жүргізілген зерттеулерде холестираминмен бірге тағайындау ішке қабылданған торасемидтің абсорбциясын төмендетті.

Цефалоспориндердің нефроуытты әсерін күшейтеді. Диабетке қарсы препараттардың әсері төмендетілуі мүмкін

Арнайы ескертулер

Жүктілік немесе лактация кезеңі

Торасемид плаценталық бөгет арқылы өтіп, шарананың су-электролиттік бұзылуларын туындатады. Сондай-ақ неонатальді тромбоцитопенияның даму қаупі бар.

Жүкті әйелдерге торасемидті қолдану тәжірибесі жоқ, сондықтан жүктілік кезінде препаратты қолдануға болмайды.

Емшек сүтіне торасемидтің бөлініп шығуы туралы деректер жоқ, сондықтан лактация кезеңінде торасемидті қолдану қажет болғанда емшек емізуді тоқтату қажет.

Осыған байланысты ТРИГРИМ препаратын жүктілік және емшек емізу кезеңінде қолдануға болмайды.

Препараттың көлік құралын немесе қауіптілігі зор мехнаизмдерді басқару қабілетіне әсер ету ерекшеліктері

Қан қысымына әсер ететін басқа дәрілік заттар сияқты, пациенттерде бас айналуы немесе осыған ұқсас симптомдар болған жағдайда көлік құралдарын басқаруға және механизмдермен жұмыс істеуге болмайтыны туралы ескертілуі керек.

Қолдану жөніндегі нұсқаулар

Дозалау режимі

Ересектер

Артериялық ілкі гипертензия

Ұсынылатын доза – ішке тәулігіне бір рет 2,5 мг. Қажет болған кезде доза тәулігіне бір рет 5 мг дейін арттырылуы мүмкін. Зерттеулер тәулігіне 5 мг-ден жоғары дозалар қан қысымының әрі қарай төмендеуіне әкелмейтінін айғақтады.

Ең жоғары гипотензиялық әсер шамамен 12 апта емдеу ұзақтығымен көрініс береді.

Ісіну синдромы

Ұсынылатын доза – тәулігіне бір рет 5 мг. Қажет болған жағдайда доза тәулігіне бір рет 20 мг дейін біртіндеп арттырылуы мүмкін. Жекелеген жағдайларда тәулігіне 40 мг торасемид тағайындалуы мүмкін.

Препаратты ұзақ кезеңге немесе ісінулер жоғалғанға дейін тағайындайды.

Пациенттердің ерекше топтары

Балалар

Торасемидті балаларда қолдану тәжірибесі жоқ.

Егде жастағы пациенттер

Дозаны түзетудің қажеті жоқ

Енгізу әдісі және жолы

Ішке қабылдауға арналған

Артық дозалану жағдайында қабылдау қажет шаралар

Симптомдары

Уыттанудың өзіне тән белгілері белгісіз. Егер артық дозалану орын алса, сұйықтықтың және электролиттердің жоғалу қаупі бар диурез білінуі ықтимал, ол ұйқышылдыққа және сананың шатасуына, гипотензияға және циркуляторлық коллапсқа әкелуі мүмкін. Асқазан-ішектің бұзылулар білінуі мүмкін.

Емі

Спецификалық антидоты жоқ. Артық дозаланудың симптомдары және белгілері дозаны төмендетуді немесе торасемид қабылдауды тоқтатуды, сондай-ақ сұйықтықты және электролиттерді бір мезгілде алмастыруды қажет етеді.

Дәрілік препараттың бір немесе бірнеше дозаларын өткізіп алған жағдайда қабылданатын шаралар

Ұмытып өткізіп алған дозаның орнын толтыру үшін екі еселенген доза қабылдамаңыз.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Дәрілік препаратты қолданбас бұрын кеңес алу үшін дәрігерге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Барлық дәрілік препараттар сияқты, препарат жағымсыз реакцияларды тудыруы мүмкін, бірақ олар барлығында бола бермейді. Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректер негізінде баға беру мүмкін емес). Жағымсыз реакциялар ауырлық дәрежесінің кему тәртібімен ұсынылған.

Қан және лимфалық жүйе тарапынан

жиілігі белгісіз – тромбоцитопения, лейкопения, анемия.

Иммундық жүйе тарапынан

өте сирек - аллергиялық реакциялар, мысалы, қышыну, экзантема, фотосенсибилизация

жиілігі белгісіз – терінің ауыр реакциялары (Стивенс–Джонсон синдромы (СДС) және уытты эпидермальді некролиз (УЭН))

Зат алмасу тарапынан

жиі —метаболизмдік алкалоз, гиповолемия, гипонатриемия

Жүйке жүйесі тарапынан

жиі— бас ауыруы, бас айналу

жиілігі белгісіз — церебральді ишемия, сананың шатасуы, парестезиялар

Көру мүшелері тарапынан

жиілігі белгісіз – көрудің бұзылуы

Есту мүшелері тарапынан және лабиринттік бұзылулар

жиілігі белгісіз – құлақтың шуылдауы және естімей қалу

Жүрек тарапынан

жиілігі белгісіз - жедел миокард инфарктісі, миокард ишемиясы, стенокардия, естен тану, гипотензия

Қантамырлар жүйесі тарапынан

жиілігі белгісіз –эмболия

Ас қорыту жүйесі тарапынан

жиі: ас қорыту жолының бұзылыстары (тәбеттің жоғалуы, іштің ауыруы, жүректің айнуы, құсу, диарея, іш қату)

жиілігі белгісіз: ауыз ішінің құрғауы, панкреатит

Бауыр және өт шығару жолдары тарапынан

жиі емес: қан плазмасында кейбір «бауыр» ферменттері (мысалы, гамма-глутамилтрансфераза) белсенділігінің жоғарылауы

Тері және теріасты тіндері тарапынан

өте сирек - аллергиялық реакциялар, мысалы, қышыну, экзантема, фотосенсибилизация

жиілігі белгісіз – терінің ауыр реакциялары (Стивенс–Джонсон синдромы (СДС) және уытты эпидермальді некролиз (УЭН)).

Тірек-қимыл аппараты тарапынан

жиі – бұлшықет түйілулері

жиілігі белгісіз – бұлшықет әлсіздігі

Бүйрек және несеп шығару жолдары тарапынан

жиі емес – несептің кідіруі, қуықтың созылып кетуі

сирек – қанда мочевина және креатинин концентрацияларының жоғарылауы.

Жалпы бұзылыстар және енгізген жердегі бұзылулар

жиі – астения (сарқылу), қажығыштық

Зертханалық көрсеткіштер

жиі емес – қанда несеп қышқылы және глюкоза концентрацияларының жоғарылауы, сондай-ақ гиперлипидемия (соның ішінде холестериннің және триглицеридтердің жоғарылауы)

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат –5.0 мг немесе 10.0 мг торасемид,

қосымша заттар - лактоза моногидраты FlowLac®100, жүгері крахмалы, коллоидты кремнийдің қостотығы, магний стеараты.

Сыртқы түрінің, иісінің, дәмінің сипаттамасы

Ақ немесе ақ дерлік түсті, дөңгелек, сызығы бар жалпақ таблеткалар.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.

Пішінді ұяшықты 3 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Дәрілік препараты бар қорапшалар картон қораптарға салынған.

2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электронды пошта: complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электронды пошта: complaints@santo.kz

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды поштасы)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610150)

Электронды пошта: phv@santo.kz; infomed@santo.kz